这三位TVB小花感情真好，唐诗咏下厨喂食黄翠如
艺人唐诗咏（Natalie）、田蕊妮（阿田）同黄翠如不嬲好好感情，不过三人工作都非常忙碌，所以就算有聚会都会经常少咁一个。呢日佢哋终于都齐脚啦，仲约埋一齐玩煮饭仔添。其实阿田同翠如都好想试下Natalie嘅手势，所以甚少下厨嘅Natalie决定大献身手，炮制“唐氏卤水鸡翼”，而另外两餸一汤，就由入得厨房出得厅堂嘅阿田一手包办。
佢哋三个一边食一边合照，期间Natalie更亲自喂翠如食爱心鸡翼，真系好warm呀！虽然翠如全程净系识食，完全冇帮过手，但佢都相当识做，喺社交网留言卖晒口乖，大赞阿田系煮饭强人，仲话Natalie嘅鸡翼有超市级水准添。而阿田亦有力撑Natalie，话佢有做好老婆嘅潜质：“佢真系好啱做老婆！有边个想娶佢可以PM我！”
页:
[1]