去年凭《降魔的》夺得「最喜爱男角色」的艺人马国明，在古装新作《宫心计2深宫计》中饰演不茍言笑的护国将军任三恕，他直言演绎上难度甚高：「角色畀人一种距离感，觉得男人唔可以喊，所以演嘅时候要捉得准，有啲位专登内敛啲。」
讲到《宫》剧Sell女人争斗，马国明表示不怕被抢镜，认为与马浚伟及萧正楠的兄弟情够吸引，而且与其他女角的发展环环相扣。
他又笑言每日开工见到美女如云，绝对是眼睛吃冰淇淋：「冇嘢做嗰阵望吓都养眼啲，个个都好身材又靓喎！今次卖点之一系有出浴戏，但我冇得睇，皇上马浚伟就多啲艷福囉！我记得有场戏周秀娜（娜姐）出浴，我畀对头人引咗我入去，先有幸见到娜姐膊头咋！（觉得边个女艺人最好身材？）周秀娜、刘心悠、胡定欣、陈炜都好好，因为唐朝啲衫几低胸。」竟然数漏女友黄心颖？他解释说：「哦…因为心颖演宫女比较密实，冇佢哋咁性感啫！」
剧中心颖暗恋马国明，拍摄时两人向外宣称「发展中」，问到感情戏是否更得心应手？马国明说：「系演个角色，就算其他人演都做到呢份感觉，当然佢演可能（感情）会更快到。」他透露两人在戏中有咀戏，指当时已过了暧昧期，因此感觉Sweet而不觉尴尬。
对于总监制梅小青赞他主动带心颖入戏，马国明笑言是出于私心：「大家同一条线，帮佢亦系保障自己，所有演员都想自己条线最好睇，一定要有呢个斗心，套剧先好睇。（觉得心颖演成点？）好聪明，有时拍咗一Take想佢改啲咩，即刻就Get到。」问到现实中可有跟角色一样被靓女暗恋？马国明笑言未发生过，因自小已是波牛及闷人，幸好可在拍戏中感受被暗恋的滋味。 |
