港姐寻日举行首轮面试，参选者嚟自五湖四海，靓女骑呢样样俱全，随即引起网民热论，真系少啲信心都可能抵受唔住批评！而34C无綫咪神李旻芳（Lucy）就系过来人，其实佢喺2012年都参选过，不过首轮就Bye Bye，佢喺网上发文勉励大家，仲自爆有佳丽批佢博上镜出位添！
Lucy话：“我静静地排紧队时，第一次比（畀）人批手踭（）为左（咗）争排头位出场见记者！”仲话听到现场有人问候佢：“笑乜X嘢呀？”但佢就保持微笑！而之后嘅报道就将佢摆咗喺样子甜美嘅无綫小花陈华鑫（Gloria）隔篱，佢自嘲：“我身材又唔系特别好（脚又短腿又粗屁股又大）。但系我有自信，我好肯定自己嘅位置，我相信自己会系一个好完美又称职，中中庸庸嘅位置，正所谓红花都需要绿叶衬托，电影要有主角都要有配角。”所以冇打击佢自信，因为知道坚持就有可能成功，放弃就一定会失败。
唔少网民都留言撑佢，仲大赞佢以前同依家都咁靓，叫佢加油！ |
